HISTORIAS TERRORÍFICAS - SAMAÍN 2026

 🎃👻 SAMAÍN DE MEDO NA BIBLIO DE CIPRIANO! 📚🕸️

Atréveste a escribir unha historia que nos poña os pelos de punta? 😱

Na Biblio de Cipriano estamos preparando un Samaín terrorífico e precisamos a vosa imaxinación para encher o cole de misterio, suspense e moitos arrepíos!

🦇 Casas encantadas, pantasmas, bruxas, monstros, sombras misteriosas, ruídos inexplicables... Todo pode acontecer nas vosas historias!

✍️ Convidámosvos a crear os vosos propios relatos de terror. Deixade voar a imaxinación, inventade personaxes arrepiantes e sorpréndedenos con finais inesperados!

🎙️ E aquí vén o máis emocionante!

Todos os relatos que recibamos serán gravados na radio do cole e poderemos escoitalos durante os recreos. 📻👻

Imaxinades estar no patio e escoitar unha historia de medo creada por un compañeiro ou compañeira? Ou mesmo a vosa propia historia? 😈

🕷️ Non importa se a túa historia é curta ou longa, o importante é que sexa orixinal e terrorificamente divertida!

📅 Tedes ata o 20 de outubro para entregar as vosas historias.

📝 E non esquezades poñerlle un título ao voso relato! Un título misterioso, arrepiante ou sorprendente que nos deixe con ganas de descubrir o que vai acontecer...

🎃 Preparade os lapis, acendede a imaxinación e deixade que o medo se converta en palabras!

👻 NA BIBLIO DE CIPRIANO... ESTE SAMAÍN, O MEDO TEN VOZ! 🎙️🦇

Agardamos os vosos relatos!

APRENDEMOS MATEMÁTICAS XOGANDO

No mes de maio realizamos a nosa xornada, xa anual, de aprender matemáticas xogando. Consiste en coñecer, repasar e divertirse con xogos de mesa que temos na nosa biblioteca e que traballan diferentes conceptos matemáticos.

AS MULLERES COIDADORAS - 8M

Para conmemorar o Día da Muller, decidimos poñer en marcha a nosa radio do cole e o alumnado entrevistou a diferentes mulleres da nosa contorna que traballan nos servizos da nosa comunidade. Foron momento moi enriquecedores. Entrevistamos á nosa coidadora do centro, a médicas, a coidadoras do centro de día e residencial, a coidadora da escola infantil...

En breve subiremos os audios!!

...

LECTURAS ENTRE AULAS

Este curso académico o voluntariado de biblioteca realizaron ao longo do curso diferentes lecturas ao alumnado máis pequeno. Foi unha gran experiencia, tanto para os maiores como para os máis peques.

XABIER BLANCO NOGUEIRA NO PENÍNSULA DA PAZ

Tivemos a sorte de ter connosco a Xabier Blanco Nogueira, músico co cal aprendimos unha morea de cousas relacionadas cos instrumentos propios da nosa comunidade.

CONTACONTOS DE BEGOÑA CAAMAÑO - DÍA DAS LETRAS GALEGAS

Para conmemorar o Día das Letras Galegas, e a pesar de que a homenaxeada Begoña Caamaño non conta con literatura axeitada ao noso alumnado, coñecimos a súa historia dunha forma moi amena a través dunha contacontos.

VISITA DE ANTÍA YÁÑEZ

O alumnado de quinto de educación primaria tivo como lectura obrigada "Plan de Rescate" e cando remataron, que mellor forma que charlar un ratiño coa súa escritora. Compartiron experiencias na nosa biblio de Cipriano.