DÍA DO LIBRO

Achégase a celebración do día do libro, que se leva a cabo o 23 de abril. Xa que o noso proxecto do cole é Xogando con Cipriano, propoñémosvos unha actividade a modo de xogo que consiste en recrear a portada dun libro empregando o voso corpo (véxase o exemplo máis abaixo). Sacade unha foto e enviádenola ao seguinte correo: 

abibliodecipriano@gmail.com

No email poñede o título do libro, así como o nome, apelidos e curso do alumn@.

Exemplos:

Faremos unha exposición con todas as vosas creacións, e haberá un pequeño agasallo para todos os participantes. 

A data límite para o envío será o venres 19 de abril de 2024.

Esperamos as vosas interpretacións das portadas.

DÍA DA POESÍA

O día 21 de marzo conmemoramos o DÍA MUNDIAL DA POESÍA. En colaboración co Equipo de Dinamización Da Lingua Galega, creamos un mostrario no corredor onde expuxemos unhas recomendacións lectoras de poesía que podedes atopar na biblio de Cipriano durante todo o ano, e propuxemos ao alumnado inventar poesías.

Nunca deixes de ler.

Recomendacións para nadal

Pensábades que nos esquecíamos? Pois non, aquí podedes atopar as recomendacións tanto lectoras como creativas que Cipriano fai para o noso alumnado e as súas familias, porque tan importante é ler como xogar en familia. 

Espero que vos gusten as nosas recomendacións!!

Aprendemos Xogando

Un ano máis por estas datas, Cipriano organiza a actividade de Aprendemos Xogando, na que todo o alumnado do centro vai durante unha hora á biblio a coñecer, aprender e xogar con novos xogos que temos dispoñibles.

Aquí vos deixamos un pequeno resumo do paso do alumnado pola biblioteca no Aprendemos Xogando.

Nunca deixedes de xogar!!

Beberaxes de Samaín

Un ano máis, o alumnado do CEIP Península Da Paz creou unhas terroríficas beberaxes para o este Samaín, coa diferenza que ademáis de traballar a receita, fixémolas en formato banda diseñada, con viñetas. A verdade e que quedaron terroríficamente ben!!

Mirade o seguinte vídeo:

RECOMENDACIÓNS DE SAMAÍN

E sin pensalo xa estamos no Samaín!!! E como non podía doutro xeito, Cipriano preparonos unhas recomendacións lectoras e creativas para pasar un bo rato neste tempo. 

Espero que vos gusten!!

SUXESTIÓNS!!!

Comezamos un novo curso, e traemos todas as enerxías cargadas para facer este curso moi especial. Temos novidades no noso blogue, que é de vital importancia. Sabedes que todo o que se merca e se fai na nosa biblio é pensando en vós, pero precisamos axuda, cubre o formulario de suxestións e danos ideas para seguir mellorando.

Pincha no logo que temos no blogue na parte dereita e déixanos as túas suxestións.